Marey Haath ki Lakeerein

Poetry

May 132012

Ye Hadein na Tore dena, Mere Da’ire mai rehna,
Mujhe apne Dil mai rakhna, Mere Haafze mai rehna

Mera Bojh khood uthana, Mera Karb Aap sehna,
Marey Zakhm Baant lena, Maray Rat-Jagey mai rehna
Mera Hukum khood sunana, Meri Mohr khood lagana,
Meray Mashwarey mai hona, Mere Faisle mai rehna

Kabhi Manzilon ki surat Meri Dastaras se bahar,
Kabhi Sang-e-Meel ban ker Mere Rastey mai rehna

Marey Haath ki Lakeerein, Tera Naam ban k Chamkey,
Meri Khuahishon ki Khushbu, Marey Za’iche mai rehna